រថយន្តMASDA បុកគូថរថយន្តហ៊ីយ៉ាន់ដាយចតស្ងៀមលើចិញ្ចើមផ្លូវ បណ្តាលឲ្យរបួសធ្ងន់ស្រាល៤នាក់
03-March-2019 | ដោយ ពលមនសិការ
កំពង់ធំ៖ មនុស្ស៤នាក់ បានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងរថយន្តបុករថយន្ត។ ឧបទ្ទវហេតុនោះបានកើតឡើង នៅថ្ងៃទី០៣ ខែមីនា ឆ្នាំ២០១៩ វេលាម៉ោង០៣និង១៤នាទី លើផ្លូវកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨៣-១៨៤ ភូមិព្រៃប្រស់ ឃុំត្បែង ស្រុកកំពង់ស្វាយ ខេត្តកំពង់ធំ។
ប្រភពដដែលបន្តថាមុនពេលកើតហេតុមានរថយន្តមួយគ្រឿងម៉ាក ម៉ាស់ស្តា ពណ៌បៃតងចាស់ ពាក់ស្លាកលេខខេមរភូមិន្ទ2.1179 បើកបរដោយឈ្មោះ អោក មករា ភេទប្រុស អាយុ២៤ឆ្នាំ (មុខរបរទាហាននៅកងពលលេខ៣) នៅភូមិកំពង់ធំ សង្កាត់កំពង់ធំ ខេត្តកំពង់ធំ(របួសធ្ងន់)។ អ្នករួមដំណើរជាមួយចំនួន០៣នាក់ ទី១-ឈ្មោះ គីណូ រិការ ភេទស្រី អាយុ២២ឆ្នាំ (របួសធ្ងន់) ២-ឈ្មោះ អោក ស៊ីវអ៊ី ភេទស្រី អាយុ១៨ឆ្នាំ (របួសធ្ងន់) និងទី៣-ឈ្មោះ អោក ហុងអឺ អាយុ២២ឆ្នាំ (របួសធ្ងន់)។ អ្នកទាំងបីរស់នៅជាមួយអ្នកបើកបររថយន្ត។ ចំណែករថយន្តមួយគ្រឿងទៀតម៉ាកហ៊ីយ៉ាន់ដាយ ពណ៌បៃតង ពាក់ស្លាកលេខភ្នំពេញ 3A-6831 បើកបរដោយឈ្មោះ អ៊ុន គឹមសៀ ភេទប្រុស អាយុ៤៤ឆ្នាំ(មុខរបរអាជីវករទិញស្រូវ) នៅភូមិសូសែន ឃុំសូសែន ស្រុកព្រៃឈរ ខេត្តកំពង់ចាម (នាំខ្លួនទៅអធិការដ្ឋាននគរបាលស្រុកកំពង់ស្វាយដើម្បីសួរបំភ្លឺ)។ អ្នករួមដំណើរជាមួយឈ្មោះ ស៊ុន ស៊ីណា ភេទស្រី អាយុ៣៧ឆ្នាំ (អាជីវករទិញស្រូវ) (ប្រពន្ធអ្នកបើកបររថយន្ត)។
វត្ថុតាងរក្សាទុកនៅអធិការដ្ឋាននគរបាលស្រុកកំពង់ស្វាយ។ មូលហេតុជាបឋមបង្កឡើងអ្នកបើកបររថយន្តម៉ាស់ស្តា ស្លាកលេខខេមរភូមិន្ទ បើកបរក្នុងស្ថានភាពងងុយដេក បានរេចង្កូតទៅបុករថយន្ត ហ៊ីយ៉ាន់ដាយ ដែលឈប់លើជាយផ្លូវពីក្រោយ ៕
ចំនួនអ្នកទស្សនា
- ថ្ងៃនេះ641
- ម្សិលមិញ11441
- សប្តាហ៍នេះ30471
- ខែនេះ145621
- ឆ្នាំនេះ145621
- សរុប20588077